Супраць праграмнага дырэктара «Вольнага Беларускага Універсітэта» Алеся Лагвінца распачалі новую завочную крымінальную справу, піша праваабарончы цэнтр «Вясна».
Новую крымінальную справу завялі па артыкулах аб захопе ўлады, распальванні варожасці і дзейнасці супраць нацыянальнай бяспекі Беларусі. У суботу 26 красавіка трое сілавікоў прыходзілі да родных Лагвінца, у іх прысутнасці апячаталі дом праграмнага дырэктара.
Алесь Лагвінец знаходзіцца ў вымушанай эміграцыі. У 2024 годзе яго ўжо завочнага асудзілі і прыгаварылі да 10 гадоў калоніі па справе «аналітыкаў Ціханаўскай». Тады яго абвінавацілі па артыкулах аб змове з мэтай захопу ўлады (артыкул 357 КК), заклікам да дзейнасці супраць нацыянальнай бяспекі Беларусі (артыкул 361 КК), распальванні варожасці (артыкул 130 КК).
вх