Памёр беларускі літаратар і журналіст Сямён Букчын. Гэта здарылася 20 чэрвеня, літаратару было 84 гады, паведамляе «Люстэрка» са спасылкай на дацэнта БДУ Вадзіма Зелянкова.
Сямён Букчын – крытык, літаратуразнаўца, празаік і публіцыст. Працаваў у Акадэміі навук Беларусі, чытаў лекцыі ва ўніверсітэтах Польшчы.
Сямён Букчын. Крыніца: Facebook Вадзіма Зелянкова
У першай палове 1990-х гадоў рэдагаваў газету «Еўрапейскі час». Публікаваўся ў беларускіх выданнях «Народная Воля», «Беларускія Навіны» і іншых.
Букчын – аўтар больш за 20 кніг па гісторыі рускай літаратуры і журналістыкі, беларуска-рускіх літаратурных сувязях, мастацкіх і дакументальных аповесцей, публіцыстычных зборнікаў.
вс