Прэзідэнт ЗША Дональд Трамп адрэагаваў на вызваленне Сяргея Ціханоўскага. У сваёй уласнай сацсетцы truthsocial.com ён размясціў спасылку на матэрыял выдання Sky News, прысвечаны гэтай падзеі.
Публікацыя выйшла 21 чэрвеня. Яе назва "Лідар беларускай апазіцыі Сяргей Ціханоўскі вызвалены з турмы пасля ўнікальнага візіту высокапастаўленага пасланца ЗША".
У публікацыі паведамляецца, што Ціханоўскі быў вызвалены разам з 13 іншымі палітвязнямі пасля перамоў Аляксандра Лукашэнкі і Кейта Келага, які з'яўляецца спецпрадстаўніком Трампа па Украіне. "Спадар Келаг стаў самай высокапастаўленай афіцыйнай асобай ЗША за многія гады, якая наведала Беларусь, што з'яўляецца блізкім саюзнікам Расіі", — зазначае выданне.
Хартыя'97
нг