Студэнты ВДУ імя Машэрава даследавалі стан гарадскіх глеб на прадмет забруджання свінцом. Паводле дадзеных даследавання, максімальнае забруджанне выяўлена:
– у раёне чыгуначнага вузла і ўздоўж транспартных магістраляў,
– на старых прамысловых тэрыторыях,
– у зніжаных пляцоўках рэльефу (даліны Дзвіны і Віцьбы),
– а таксама нечакана — у прыватнай забудове заходняй часткі горада і раёне Себяхаў.
Навукоўцы адзначаюць, што свінец — таксічны элемент, здольны збірацца ў глебе дзесяцігоддзямі. Некаторыя зоны патрабуюць дадатковага вывучэння і, магчыма, мер па рэкультывацыі. Паводле дадзеных Сусветнай арганізацыі аховы здароўя, у 2021 г. наступства ўплыву свінцу прывялі да смерці больш за 1,5 мільёна чалавек ва ўсім свеце. Таксама выяўлена, што ўсталяванай нормы паступлення свінцу ў арганізм без шкодных наступстваў для здароўя не існуе.
Для Беларускай службы Польскага радыё Святаслаў Бруйко, Віцебск