Беларуская Служба

Экалагічны праект «Зялёная сетка» прызнаны «экстрэмісцкім фармаваннем» у Беларусі

05.08.2025 16:08
Лукашэнкаўскае КДБ палічыла экстрэмізмам жаданне «зрабіць Беларусь зялёнай, дэмакратычнай і квітнеючай краінай».
Ілюстрацыйны здымак@greenvolunteerservice

Камітэт дзяржаўнай бяспекі прызнаў 30 ліпеня «экстрэмісцкім фарміраваннем» экалагічны праект «Зялёная сетка». Пра гэта стала вядома сёння са спісу на сайце Міністэрства ўнутраных спраў, паведамляе партал «Позірк. Навіны пра Беларусь».

У склад «фарміравання» КДБ уключыў акаўнты «Зялёнага партала» у «Інстаграме» і «Тэлеграме», тэлеграм-канал «Экадом», чат «Экачат», бот «Belarus Beehive» і сайт belarusbeehive.eu.

Датычнымі да праекта названы Глеб Герасімовіч, Аляксандр Мількамановіч, Наталля Герасімава і Яраслаў Бекіш.

«Зялёная Сетка» — таварыства экалагічных арганізацый і экаактывістаў Беларусі, у якое ўваходзяць эксперты, валанцёры і ініцыятыўныя групы, а таксама актывісты, аб'яднаныя агульнай мэтай — «зрабіць Беларусь зялёнай, дэмакратычнай і квітнеючай краінай».

Паводле інфармацыі на сайце сеткі, гэты экалагічны рух мае на мэце «садзейнічаць трансфармацыі Беларусі ў дэмакратычную і экалагічна ўстойлівую краіну для жыцця».

Рэалізуе праграмы і праекты ў галіне аховы прыроды і ўстойлівага развіцця.

юл