Летась у кастрычніку міністр абароны Беларусі Віктар Хрэнін вучэнні «Захад-2025» назваў «галоўнай падзеяй», у манеўры плануецца залучыць больш за 13 тысяч чалавек.
Сёлета ў чэрвені Віктар Хрэнін паведаміў аб рашэнні знізіць колькасць удзельнікаў беларуска-расійскіх вучэнняў «Захад-2025», а самыя вучэнні перанесці ўглыб беларускай тэрыторыі. Але пазней начальнік Генеральнага штабу Узброеных сілаў – першы намеснік міністра абароны Беларусі Павел Муравейка заявіў, што папярэдняе рашэнне перасунуць раёны правядзення вучэнняў «Захад-2025» могуць перагледзець.
Праз гэтыя вучэнні памежныя з Беларуссю краіны ўзмацняюць ахову сваіх межаў і паветранай прасторы.
Свабода/ав