У якія ВНУ паступіла больш за ўсё мэтавікоў у бягучым годзе, расказалі ў Мінадукацыі

Паводле Мінадукацы, усё больш медалістаў выбіраюць паступленне ў ВНУ на ўмовах мэтавай падрыхтоўкі.

Здымак мае ілюстрацыйны характар.

PublicDomainPictures /pixabay.com/CC0 Public Domain

У гэтым годзе план прыёму на ўмовах мэтавай падрыхтоўкі ў беларускія ВНУ быў каля 6,6 тыс. Гэта амаль на 1 тыс. больш у параўнанні з мінулым годам. Залічана 5,9 тыс., паведаміў у размове з БЕЛТА начальнік галоўнага ўпраўлення прафесійнай адукацыі Міністэрства адукацыі Беларусі Сяргей Пішчоў.

«Задача арганізацыі-заказчыка кадраў – забяспечыць мэтавы прыём па большасці спецыяльнасцей, за выключэннем найбольш запатрабаваных спецыяльнасцей, гэта значыць там конкурс большы чым адзін чалавек на месца. Гэта ўмова, каб мэтавы прыём у прынцыпе адбыўся. Таксама ёсць абмежаванні па паспяховасці абітурыента. Абітурыенты могуць прэтэндаваць на мэтавае месца, калі ў іх сярэдні бал атэстата не ніжэйшы за 7 балаў. Толькі такія абітурыенты маюць магчымасць і права паступаць на ўмовы мэтавай падрыхтоўкі», – растлумачыў Сяргей Пішчоў.

Найбольшыя конкурсы на мэтавыя месцы былі зафіксаваны па медыцынскіх спецыяльнасцях і самая вялікая колькасць мэтавікоў была залічана ў медыцынскія ВНУ.

«У бягучым годзе гэта каля 80 працэнтаў ад бюджэтнага прыёму. Медыцынскія ўніверсітэты традыцыйна набіраюць найбольшую колькасць дзяцей на ўмовах мэтавай падрыхтоўкі», – расказаў начальнік галоўнага ўпраўлення.

У апошнія гады мэтавы прыём выведзены за рамкі асноўнага. «Гэта значыць адразу мы прымаем у ВНУ мэтавікоў, а далей, калі засталіся вакантныя месцы, яны перадаюцца на агульны конкурс і абітурыенты паступаюць па выніках цэнтралізаванага экзамену, цэнтралізаванага тэсціравання. Па шэрагу спецыяльнасцей ёсць унутраныя ўступныя іспыты, значыць гэта датычыцца творчых спецыяльнасцей, спецыяльнасцей у галіне фізічнай культуры і спорту, а таксама некаторых іншых», – адзначыў Сяргей Пішчоў.

аз