Міжнародная праваабарончая арганізацыя Amnesty International занепакоеная лёсам палітзняволенага Мікалая Статкевіча, які гвалтоўна знік пасля вызваленага з калоніі, паведамляе «Свабода».
Рэагуючы на адмову беларускіх уладаў раскрыць лёс і месцазнаходжанне апазіцыйнага палітыка, які пасля вызвалення з турмы, вырашыў застацца ў Беларусі, Марыя Гур’ева, старшы супрацоўнік Amnesty International, заявіла:
«Пастаянная адсутнасць інфармацыі пра лёс і месцазнаходжанне Мікалая Статкевіча выклікае глыбокую занепакоенасць(…) Гэта выклікала асцярогі, што беларускія ўлады вярнулі яго ў турму. Для гэтага ёсць зразумелы і просты тэрмін: гвалтоўнае знікненне. Месцазнаходжанне Мікалая Статкевіча павінна быць неадкладна раскрытае, яго бяспека гарантаваная, а яго далейшае ўтрыманне пад вартай павінна быць спыненае», – гаворыцца ў заяве Amnesty International.
Паводле арганізацыі, «беларускія ўлады павінны спыніць выкарыстоўваць людзей, зняволеных па палітычных матывах, у якасці разменных манет на міжнароднай арэне».
аз