4 верасня дзяржаўныя прапагандысцкія медыя распаўсюдзілі інфармацыю, што Гжэгажа Гавэла затрымалі ў Лепелі. Мужчыну абвінавачваюць у «шпіянажы» (арт. 358 КК) — нібыта за атрыманне плана беларуска-расійскіх вучэнняў «Захад-2025».
У сюжэце паказалі раздрукоўку дакумента Узброеных Сіл Рэспублікі Беларусь з грыфам «Сакрэтна» — «распараджэнне аб арганізацыі падрыхтоўкі і ўдзеле ССУ «Захад-2025». Паводле версіі прапагандыстаў, паляк атрымаў яго літаральна за некалькі хвілін да затрымання. Кадры перадачы дакумента ў машыне таксама былі прадэманстраваныя — падобна, што яны былі знятыя схаванай камерай.
Затрыманне праводзіў Камітэт дзяржаўнай бяспекі. У сюжэце сцвярджалася, што Гавел добраахвотна выдаў дакументы, а ўсе працэсуальныя дзеянні былі дэманстрацыйна паказаныя нібыта адбываліся «згодна з законам» — у прысутнасці панятых, з прад'яўленнем пасведчання і ўдзелам перакладчыка.
Таксама прапагандысты распавялі, што Гавел нібыта праз сацыяльныя сеткі выйшаў на беларуса і прапаноўваў яму супрацоўніцтва на карысць Польшчы: перадаваць інфармацыю пра вайсковую выведку і камандны склад, а ўзамен абяцаў штомесячную грашовую ўзнагароду. Самога беларуса ў кадры заблюрылі.
Сярод асабістых рэчаў паляка паказалі грошы розных краін (у тым ліку балгарскія левы) і сім-карту МТС, якую, паводле версіі, ён «атрымаў ад кагосьці».
Гжэгаж Гавел прызнаны палітычным зняволеным.
вх