Пра тое, што ўвесь тыраж падручніка ўжо раскуплены, Радыё «Свабода» расказала аўтарка дапаможніка, выкладчыца Кафедры беларусістыкі Варшаўскага ўніверсітэта Вольга Трацяк. Тыраж – 100 асобнікаў, 10 кніг адразу перадалі ў бібліятэкі. Падручнік каштаваў 39 злотых (каля 10 еўра). Ці будуць яго дадрукоўваць, пакуль невядома.
Дапаможнік па беларускай мове выдалі летась у канцы снежня. Ён дапамагае вывучаць беларускую мову як замежную на ўзроўнях А1 – В1. У ім 330 старонак, 150 практыкаванняў па граматыцы, лексіцы і фразеалогіі, 50 тэкстаў для чытання. Да ўсіх заданняў ёсць ключ з адказамі, таму падручнік можна выкарыстоўваць і для самастойнага навучання, паведамляла раней аўтарка падручніка.
Падручнік выдалі за сродкі Фонду дыдактычнай дасканаласці Факультэта прыкладной лінгвістыкі Варшаўскага ўніверсітэта.
вс