Пераслед па «справе Гаюна» не спыняецца

Затрыманні і суды адбываюцца амаль кожны дзень.

Лагатып закрытага праекта «Беларускі Гаюн»

Tэлеграм-канал «Беларускі Гаюн»

Не спыняецца пераслед па «справе Гаюна». Паводле інфармацыі «Вясны», як мінімум 175 фігурантаў справы былі змешчаныя пад варту. Гэта выключна пацверджаныя выпадкі. Агульная ж лічба затрыманых значна большая.

Праваабаронцам вядома пра пра шэраг затрыманняў, якія адбыліся ў 2026 годзе.

Суды па «справе Гаюна» адбываюцца літаральна кожны дзень – з пачатку года ў «спіс экстрэмістаў» МУС дадалі 69 чалавек, асуджаных за «садзейнічанне экстрэмізму». Пераважная большасць з гэтых людзей праходзяць менавіта па «справе Гаюна».

У асноўным фігурантам справы прызначаюць «хатнюю хімію», але вядома і пра выпадкі, калі людзей пазбаўляюць волі.

Нагадваем, «Беларускі Гаюн» быў заснаваны пасля поўнамаштабнага расійскага ўварвання ва Украіну ў 2022 годзе. Ён збіраў і публікаваў інфармацыю пра перасоўванне па тэрыторыі Беларусі расійскай ваеннай тэхнікі. Праект спыніў працу 7 лютага 2025 года пасля таго, як доступ да чату праекта атрымалі сілавікі.

аз