Група еўрадэпутатаў з 11 краін накіравала ліст вярхоўнаму прадстаўніку ЕС па замежных справах і палітыцы бяспекі Каі Каллас з просьбай разгледзець пытанне аб увязцы гандлёвых адносін ЕС з Беларуссю з выкананнем працоўных правоў і свабоды асацыяцый. Ініцыятарам звароту выступіў польскі еўрадэпутат, намеснік кіраўніка Дэлегацыі Еўрапарламента па адносінах з Беларуссю Міхал Кабоска.
У лісце, датаваным 3 сакавіка 2026 года, дэпутаты ўказваюць, што Беларусь, нягледзячы на ратыфікацыю канвенцый МАП аб свабодзе аб'яднання і калектыўных перамовах, сістэматычна парушае іх. У 2023 годзе ў дачыненні да Беларусі быў прыменены артыкул 33 Статута МАП - найбольш жорсткі наглядны механізм арганізацыі. Аўтары ліста таксама ўказваюць на прымяненне прымусовай працы ў пенітэнцыярнай сістэме і лячэбна-працоўных прафілакторыях.
Аўтары адзначаюць, што ў 2022 годзе ўсе незалежныя прафсаюзы ў Беларусі былі ліквідаваныя ўладамі, якія пакінулі толькі падкантрольную дзяржаве федэрацыю. Лідары і актывісты прафсаюзаў падвяргаюцца арыштам і крымінальнаму пераследу. У Беларусі на сёння налічваецца больш за тысячу палітвязняў, многія з якіх пераследуюцца менавіта за прафсаюзную дзейнасць.
З улікам дадзенай інфармацыі еўрадэпутаты сфармулявалі два пытанні: ці гатовая Еўракамісія абумовіць цяперашнія ці будучыя гандлёвыя адносіны з Беларуссю аднаўленнем незалежных прафсаюзаў, вызваленнем зняволеных і супрацоўніцтвам з МАП, а таксама якія механізмы кантролю плануецца задзейнічаць, каб эканамічныя адносіны ЕС не прыносілі выгады структурам.
Зварот да Каі Калас падпісалі дэпутаты:
Michał KOBOSKO, Renew Europe, Poland
Andrzej HALICKI, EPP, Poland
Sergey LAGODINSKY, The Greens, Germany Krzysztof SMISZEK, S&D, Poland
Malgorzata GOSIEWSKA, ECR, Poland
Per CLAUSEN, The Left, Denmark
Petras AUSTREVICIUS, Renew Europe, Lithuania
Helmut BRANDSTÄTTER, Renew Europe, Austria
Maria OHISALO, The Greens, Finland
Bernard GUETTA, Renew Europe, France
Irena JOVEVA, Renew Europe, Slovenia Lukasz KOHUT, EPP, Poland
Mariusz KAMINSKI, ECR, Poland
Cynthia NI MHURCHU, Renew Europe, Ireland
Telegram Парламенцкі канал/нг