Вайна ў Іране можа сур’ёзна ўдарыць па лагістыцы Беларусі, пра гэта заявіла арганізацыя былы беларускіх сілавікоў BELPOL.
Паводле яе звестак, пад пагрозай апынуўся міжнародны транспартны калідор «Поўнач – Поўдзень», які выкарыстоўваўся для паставак беларускіх тавараў у краіны Персідскай затокі, Індыю і Усходнюю Афрыку. Усе асноўныя маршруты праходзілі праз тэрыторыю Ірана, таму баявыя дзеянні могуць надоўга парушыць гэтыя лагістычныя ланцужкі.
Праз гэты калідор таксама перавозілі беларускі калій, у тым ліку ў Кітай. Праект развівала кампанія «Белінтэртранс», якая ўваходзіць у структуру Беларускай чыгункі.
Акрамя таго, Мінск разлічваў на супрацоўніцтва з іранскай кампаніяй Defense Industries Organization у сферы ваеннай вытворчасці — у прыватнасці, паставак кампанентаў выбухоўкі і тэхналогій для вытворчасці зброі.
Як адзначае BELPOL, рэжым Аляксандр Лукашэнка ўскладаў вялікія надзеі на партнёрства з Іранам, але апошнія падзеі ставяць гэтыя планы пад пагрозу.
эж