Праваабаронцы прызналі палітвязнямі шэсць чалавек

Цяпер у Беларусі, паводле падлікаў праваабаронцаў, 889 палітвязняў.

Ілюстрацыйнае фота.

Shutterstock/FotoDax

Шэсць чалавек прызнаныя беларускай праваабарончай супольнасцю палітвязнямі. Гэта асуджаныя паводле ч. 1 артыкула 342 Крымінальнага кодэкса (групавыя дзеянні, якія груба парушаюць грамадскі парадак) Уладзіслаў Насцюшкін, Максім Лукашэвіч і Артур Білібуха, асуджаны па арт. 342 і 368 КК (абраза А. Лукашэнкі) Васіль Прохараў, а таксама накіраваныя ў папраўчую ўстанову паводле арт. 342 КК Уладзімір Новік і Антон Шулякоўскі.

Праваабаронцы патрабуюць ад уладаў Беларусі неадкладнага вызвалення і спынення крымінальнага пераследу вышэй згаданых асобаў і астатніх палітвязняў, а таксама спынення палітычных рэпрэсіі ў дачыненні да грамадзян краіны, затрыманых у сувязі з рэалізацыяй свабоды мірных сходаў у паслявыбарчы перыяд.

Паводле падлікаў «Вясны» цяпер у Беларусі 889 палітвязняў.

аз