Польскія ўлады заявілі пра поўную эфектыўнасць аховы мяжы з Беларуссю. Паводле віцэ-прэм’ера і міністра нацыянальнай абароны Уладзіслава Касіняка-Камыша, цяпер усе спробы незаконнага перасячэння спыняюцца.
— Агароджа дзейнічае, оптаэлектроніка дзейнічае, сістэма хуткага рэагавання працуе, пяць тысяч жаўнераў, супрацоўнікі памежнай службы, паліцыя — усе працуюць эфектыўна. Усё гэта дае канкрэтныя вынікі для бяспечнай Польшчы, — пераконваў палітык.
Колькасць спробаў незаконнага перасячэння значна знізілася — з прыблізна пяці тысяч летась да крыху больш за 100 сёлета. Улады Польшчы адзначаюць, што ўзмацненне кантролю эфектыўна стрымлівае нелегальную міграцыю.
iar/эж