Папа Леў XIV 4 траўня прыняў у Ватыкане апостальскага нунцыя ў Беларусі арцыбіскупа Іньяцыа Чэфалію. Пра гэта паведамляе vaticannews.va, спасыласючыся на прэс-службу Святога Пасада.
У Ватыкане адзначылі, што сустрэча адбылася ў межах рэгулярнага дыялогу Папы з яго дыпламатычнымі прадстаўнікамі па ўсім свеце. Такія размовы дазваляюць пантыфіку атрымліваць актуальную інфармацыю пра сітуацыю ў розных краінах.
Для Беларусі гэтая сустрэча мае асаблівае значэнне: яна сведчыць, што становішча Каталіцкага Касцёла і вернікаў у краіне застаецца ў полі ўвагі Ватыкана.
Арцыбіскуп Іньяцыа Чэфалія быў прызначаны апостальскім нунцыем у Беларусі 25 сакавіка 2025 года. Ён змяніў на гэтай пасадзе папярэдняга прадстаўніка Святога Пасада і пачаў місію ў няпросты для краіны перыяд.
Ураджэнец Палерма працуе ў дыпламатычнай службе Ватыкана з 2006 года і мае значны міжнародны досвед.
эж