Эксперты амерыканскага Інстытуту вывучэння вайны (ISW) лічаць, што нечарговыя супольныя ядзерныя вучэнні Расіі і Беларусі маюць палітычны і прапагандысцкі характар. Пра гэта паведамляе Радыё Свабода.
Аналітыкі адзначаюць, што Масква раней не абвяшчала пра вучэнні на 19–21 траўня, а звычайна такія манеўры адбываліся восенню. На думку ISW, Крэмль спрабуе прадэманстраваць ядзерную моц на фоне няўдач расійскага войска ва Украіне.
Эксперты таксама звярнулі ўвагу на новыя пагрозы ў адрас НАТА. Намеснік міністра замежных спраў Расіі Сяргей Рабкоў заявіў, што Расія і НАТА нібыта набліжаюцца да «прамога сутыкнення з катастрафічнымі наступствамі».
У ISW лічаць, што такія заявы — частка інфармацыйнай тактыкі Крамля, накіраванай на запалохванне Захаду і аслабленне падтрымкі Украіны.
Міністэрства абароны Беларусі называе вучэнні «планавымі» і сцвярджае, што яны не накіраваныя супраць іншых краін.
эж