Чэхія рыхтуецца спрасціць выдачу віз сваякам беларусаў, якія жывуць у гэтай краіне. Пра гэта стала вядома пасля сустрэчы лідаркі дэмакратычных сіл Беларусі Святланы Ціханоўскай з міністрам замежных спраў Чэхіі Пятром Мацінкам у Празе.
Паводле інфармацыі Офіса Ціханоўскай, кіраўнік чэшскай дыпламатыі пацвердзіў, што рашэнне аб спрашчэнні візавага рэжыму ўжо прынятае. Афіцыйнае паведамленне чакаецца ў найбліжэйшы час.
Сустрэча адбылася ў Місіі дэмакратычных сіл Беларусі ў Празе, што ў Офісе Ціханоўскай назвалі знакам падтрымкі беларускіх дэмакратычных сіл і грамадзянскай супольнасці.
Бакі таксама абмеркавалі вызваленне палітвязняў, падтрымку рэпрэсаваных беларусаў, міжнародную адказнасць рэжыму Лукашэнкі і магчымы ўдзел Чэхіі ў Міжнародным гуманітарным фондзе.
Святлана Ціханоўская адзначыла, што асабліва важным вынікам перамоў стала вырашэнне праблемы з візамі для родных беларусаў у Чэхіі. Паводле яе, гэта дапаможа многім людзям, якія цяпер сутыкаюцца з сур’ёзнымі цяжкасцямі пры ўз’яднанні з сем’ямі.
Адметна, што ў Празе прайшла сустрэча Ціханоўскай з прэзідэнтам Чэшскай Рэспублікі Петрам Павелам.
эж