Следчы камітэт заявіў, што «ва ўмовах росту колькасці выпадкаў распаўсюджвання дэструктыўнай інфармацыі следчыя ўзмацняюць маніторынг і аператыўнае рэагаванне на публікацыі і каментары, асабліва ў Threads і TikTok, з наступнай прававой ацэнкай дзеянняў аўтараў».
Паведамляецца, што асаблівая ўвага будзе надавацца матэрыялам, якія змяшчаюць:
дэзынфармацыю насельніцтва;
распальванне сацыяльнай варожасці;
загадзя ілжывыя паведамленні пра небяспеку;
рэабілітацыю нацызму.
Маўляў, устаноўлены факты, калі «асобныя людзі з мэтай павелічэння ахопу сваіх публікацый і прыцягнення аўдыторыі на акаўнт наўмысна распаўсюджваюць інфармацыю, якая не адпавядае рэчаіснасці, пра нібыта здзейсненае кімсьці злачынства, выдаюць сябе за ахвяру або сведку злачынства».
СК заяўляе, што ёсць выпадкі, калі ў аснове такіх публікацый ляжыць выдуманая гісторыя, таму такім фактам таксама будзе давацца прававая ацэнка.
Наша Ніва/ав