Спецпасланнік ЗША ў Беларусі Джон Коўл заявіў, што чакае чарговага буйнога вызвалення беларускіх палітвязняў «у самы бліжэйшы час». Пра гэта ён расказаў выданню The New York Times у вялікім інтэрв’ю, паведамляе «Еўрарадыё».
Коўл дадаў, што яго галоўная мэта, каб на волю выйшлі ўсе палітвязні, якія застаюцца ў Беларусі. Пасля гэтага дыпламат хоча заняцца вызваленнем зняволеных у іншых краінах.
Апошні візіт Джона Коўла ў Беларусь адбыўся 19 сакавіка. Тады беларускі рэжым вызваліў 250 палітвязняў у абмен на знаццё санкцый з Міністэрства фінансаў і шэрагу беларускіх банкаў.
Таксама ў размове з журналістамі Коўл распавёў пра самі перамовы з Аляксандрам Лукашэнкам і тое, што вялікую ролю ў іх поспеху адыгралі нефармальны стыль камунікацыі і гумар.
— Гумар – гэта каласальная зброя. Калі вам удаецца рассмяшыць іншага чалавека, вы ўжо на паўдарозе да мэты і больш не ўспрымаецеся як пагроза, – сказаў Коўл.