Мінскі абласны суд 26 кастрычніка 2026 года вынес прысуд тром беларусам: палітзняволеным Генрыху Агееву, Юрыю Васілеўскаму, а таксама Івану Балашэнку.
Па інфармацыі «Вясны», Юрыю прызначылі 17 гадоў зняволення, Генрыху — 21 год зняволення, Івану — 25 гадоў зняволення. Агулам іх асудзілі паводле дзевяці цяжкіх артыкулаў Крымінальнага кодэкса, у тым ліку за «ўдзел у тэрарыстычнай арганізацыі» і «здраду дзяржаве».
Паводле інфармацыі ад сукамернікаў Генрыха і Юрыя, вядома, што крымінальны пераслед мужчынаў звязаны з ініцыятывай BYPOL, якую Вярхоўны суд у 2022 годзе абвясціў «тэрарыстычнай арганізацыяй».
BYPOL (Аб’яднанне сілавікоў Беларусі) — гэта ініцыятыва, створаная 20 кастрычніка 2020 года былымі супрацоўнікамі праваахоўных органаў Беларусі, якія сышлі са сваіх пасад на знак пратэсту супраць гвалту і фальсіфікацыі вынікаў прэзідэнцкіх выбараў.
Мэта аб’яднання — збор доказаў злачынстваў рэжыму Лукашэнкі і парушэнняў правоў чалавека, распрацоўка рэформаў для сілавога блоку новай Беларусі, стварэнне незалежнага прафсаюза сілавікоў.
Ініцыятыва стала вядомай дзякуючы публікацыям унутраных аўдыё- і відэазапісаў сілавікоў (у тым ліку выкрыццём фактаў катаванняў і сакрэтных загадаў кіраўніцтва МУС), а таксама арганізацыяй плана мабілізацыі «Перамога».
Уладамі Беларусі арганізацыя прызнана «экстрэмісцкім фармаваннем» і «тэрарыстычнай арганізацыяй».
аз