Праваабарончая супольнасць Беларусі паведаміла аб прызнанні шасці чалавек палітычнымі зняволенымі.
— Стала вядома пра змяшчэнне пад варту і асуджэнне да пакарання, звязанага з пазбаўленнем волі ў сувязі з узаемадзеяннем з «экстрэмісцкімі фармаваннямі» і ажыццяўленнем свабоды выказвання меркаванняў Таццяны Конюхавай, Антона Макарава, Сяргея Белага, Паўла Губенкі, Сяргея Рыбалёва, Віктара Фёдарава. Мы прызнаем названых асоб палітвязнямі ў адпаведнасці з п. 3.1(а) Кіраўніцтва па вызначэнні паняцця «палітычны зняволены», — чытаем у заяве.
Адначасова праваабаронцы патрабуюць ад уладаў Беларусі неадкладна вызваліць згаданыя асобы і ўсіх астатніх палітычных зняволеных, а таксама спыніць палітычныя рэпрэсіі супраць грамадзян краіны.
аз