У Мінску за распаўсюджванне наркотыку MDMA (экстазі) затрымалі 19-гадовага мясцовага жыхара, паведаміла «Люстэрка» са спасылкай на сталічную міліцыю.
Пасля заканчэння каледжа малады чалавек рыхтаваўся да тэрміновай службы — у войска ён павінен быў адправіцца ў пачатку лістапада. У канцы верасня ў інтэрнэце ён знайшоў прапанову аб падпрацоўцы ў наркашопе і пагадзіўся на яго.
Хлопец забіраў буйныя партыі наркотыкаў, фасаваў іх і размяшчаў у тайніках-закладках у лясных масівах непадалёк ад дома. У яго кватэры і тайніках сілавікі знайшлі не менш як 25 грамаў MDMA.
Распачатая крымінальная справа.
IAR/нг