Беларуская Служба
Дадай у Google

Дадайце нас у абраныя крыніцы ў Google, каб нашы навіны заўсёды былі сярод першых вынікаў вашага пошуку

Беларусы працягваюць апусташаць крамы: продажы ў гандлі абнавілі гадавы максімум

16.11.2026 18:28
Штодня кожны беларус пакідаў у крамах і на рынках у сярэднім каля 35 рублёў.
 .
Беларускія рублі.Shutterstock.com

Таваразварот у розніцу павялічваецца ў Беларусі цягам усяго года, і за 10 месяцаў вырас на 8,9 %.

Штодня кожны беларус пакідаў у крамах і на рынках у сярэднім 34,8 рубля (летась — 31,4 рубля), паведамляе «Белсат» са спасылкай на Белстат.

Пры гэтым грамадскае харчаванне так хутка не расце. Абарот рэстаранаў і кавярняў павялічыўся на 1,8 % у параўнанні з аналагічным перыядам мінулага года. Летась, напрыклад, рост склаў 5,2 %.

Спажывецкі бум звязаны з ростам заробкаў: чым больш грамадзяне атрымліваюць, тым больш выдаткоўваюць на пакупкі. Аднак грошы дастаюцца беларусам не дзякуючы, напрыклад, імкліваму росту эканомікі ці прадукцыйнасці працы, а з увагі на дэфіцыт працаўнікоў.

Працадаўцы вымушаныя павышаць заробкі, каб або наняць некага, або ўтрымаць ужо нанятых работнікаў.

вс