Беларуская Служба
Дадай у Google

Дадайце нас у абраныя крыніцы ў Google, каб нашы навіны заўсёды былі сярод першых вынікаў вашага пошуку

Для беларусаў за мяжой адкрыюць бясплатныя кансультацыйныя пункты

19.11.2026 08:30
Перад іх адкрыццём АПК правядзе апытанне беларусаў, каб высветліць, якая дапамога найбольш запатрабаваная.
Прадстаўніца АПК па сацыяльнай палітыцы Вераніка Станкевічbelaruscabinet.org

Прадстаўніцтва Аб’яднанага Пераходнага Кабінета па сацыяльнай палітыцы запускае сетку інфармацыйна-кансультацыйных пунктаў у Варшаве, Вільні і Познані. Адкрыццё першых пунктаў запланавана да сярэдзіны снежня, паведаміў АПК у сваім Telegram-канале.

Мэта ініцыятывы — забяспечыць беларусам бясплатны доступ да інфармацыі, кансультацый і базавай практычнай дапамогі ў афлайн-фармаце.

Звярнуцца можна будзе па пытаннях, звязаных з легалізацыяй і афармленнем дакументаў, сацыяльнай падтрымкі і медыцыны, адукацыі і працаўладкавання, а таксама жылля і інтэграцыі ў новай краіне.

Кансультанты будуць дапамагаць знаходзіць неабходную інфармацыю і запаўняць анкеты. У выпадках, якія патрабуюць спецыялізаванай дапамогі, наведвальнікаў будуць накіроўваць у профільныя арганізацыі або да адпаведных спецыялістаў.

Усе паслугі будуць бясплатнымі. Плануецца, што ў большасці выпадкаў звярнуцца па дапамогу можна будзе без папярэдняга запісу.

Перад адкрыццём пунктаў прадстаўніцтва праводзіць апытанне беларусаў, каб высветліць, якая дапамога найбольш запатрабаваная, якія паслугі неабходныя ў першую чаргу і які графік працы будзе найбольш зручным.

Вынікі ананімнага апытання павінны дапамагчы скарэктаваць фармат і арганізацыю працы будучых пунктаў.

аз