Пра гэта заявіў намеснік міністра юстыцыі Польшчы Міхал Вуйцік падчас канферэнцыі пад назвай «Стагоддзе Турэмнай службы: дасягненні і новыя выклікі». Маштабны сімпозіум ладзіцца ў сталіцы Сілезіі, у Катавіцах.
Міхал Вуйцік нагадаў, што раней былі падвышаныя заробкі супрацоўнікам пенітэнцыярных службаў, а цяпер, на думку палітыка, надышоў час змяняць заканадаўства.
-На працягу доўгіх гадоў супрацоўнікі Турэмнай службы мэтанакіравана пазбаўляліся правоў і паўнамоцтваў. У сваю чаргу, асуджаным надаваліся новыя правы. Тыя супрацоўнікі, якія на першай лініі пільнуюць асуджаных, часцяком рызыкуючы жыццём і здароўем, пазбаўляліся паўнамоцтваў і правоў. Час змяніць гэта і пашырыць спіс іх правоў.
Падчас канферэнцыі ў Катавіцах прадстаўнікі ўладаў і супрацоўнікі Турэмнай службы абмеркавалі таксама новыя праграмы рэсацыялізацыі і праграмы дапамогі для сем’яў асуджаных.
IAR/эж