Амаль 350 тысяч пачак нелегальных цыгарэт канфіскавалі супрацоўнікі Нацыянальнай падатковай адміністрацыі з Будзіска. „Каля польска-літоўскай мяжы яны затрымалі грузавік, якім кіраваў 57-гадовы беларус”, - распавядае Мацей Чарнэцкі (Maciej Czarnecki) з Падатковай палаты адміністрацыі ў Беластоку.
- Кіроўца заяўляў, што ён не перавозіць нікаяка грузу. Аднак у выніку праверкі аказалася, што ў фуры знаходзяцца нелегальныя цыгарэты. Функцыянеры знайшлі агулам больш за 346 тысяч пачак тытунёвых вырабаў з беларускімі акцызнымі знакамі. Калі б гэты тавар трапіў на рынак польская казна страціла б больш за 7,5 мільёна злотых незаплачанага падатку. Функцыянеры Падляскага мытна-падатковага ўпраўлення пачалі супраць грамадзяніна Беларусі крымінальную справу і канфіскавалі цыгарэты і фуру.
Беларускі кіроўца быў затрыманы на тры месяцы. Яму пагражае да 10 гадоў пазбаўлення волі.
аз