Супрацоўнікі Цэнтральнага антыкарупцыйнага бюро Польшчы затрымалі 18 чалавек з арганізаванай злачыннай групоўкі, якая з дапамогай польскай фінансавай установы вывела за межы краіны па меншай меры 8,6 млрд злотых (больш за 2 млрд еўра).
Прэсавы сакратар Цэнтральнага антыкарупцыйнага бюро Тэмістоклес Брадоўскі (Temistokles Brodowski) паведаміў, што сярод затрыманых старшыня праўлення адной з польскіх фінансавых устаноў, а таксама пяць чальцоў праўлення дадзенай кампаніі:
- Затрыманыя незаконна абагачаліся праз ухіленне ад уплаты падаткаў у Польшчы. Сярод затрыманых – старшыня і пяць чалавек з праўлення фінансавай кампаніі. Рэшта затрыманых займалася пераводам сродкаў за мяжу. Усе яны будуць дастаўленыя ў Акруговую пракуратуру ў Варшаве, дзе ім будуць прад'яўленыя абвінавачванні.
Следствам выяўлена, што злачынная група дзейнічала ў 26 кампаніях, якія ачольваюць грамадзяне Польшчы, Вʼетнаму, Кітая ды Украіны. Падазраваныя імаверна дзейнічалі на тэрыторыі Польшчы пачынаючы з 2016 года.
IAR/эж