Па ініцыятыве Інстытуту польска-венгерскай супрацы імя Вацлава Фэльчака ў польскіх школах будзе праводзіцца навучанне венгерская мовы. Заняткі будуць адбывацца ў пачатковых школах і ліцэях у розных месцах на тэрыторыі цэлай Польшчы, дзе ёсць ахвотныя вучні – гаворыць намеснік дырэктара Інстытуту Кшыштаф Шчэрба:
- З другога семестру дзеці пачынаюць вывучаць вугорскую мову, не толькі ў Варшаве, але і на Прыкарпацці. Калі казаць пра Варшаву, то заняткі будуць праходзіць у трох школах, у Кракаве – у двух. Мне самому было цікава, як дзеці ўспрымуць нашую ідэю. Іх пазітыўны падыход пабіў усе рэкорды.
Урокі венгерскай мовы адбываюцца ў рамках дадатковых заняткаў. Пасля пройдзенага курсу вучні змогуць выехаць на тыднёвы моўны лагер у Венгрыю. Усе кошты пакрывае Інстытут польска-венгерскай супрацы. Ён узнік у 2018 годзе з мэтай умацавання стасункаў паміж краінамі. Сярод галоўных задач – папулярызацыя навучання мовы, культуры і польска-венгерская супраца моладзі.
У 2018 годзе Інстытут распачаў навучанне польскай мовы ў чатырох школах Венгрыі. У бягучым годзе ён распачынае навучанне венгерскай мовы ў Польшчы.
ав