Польшча знаходзіцца на пачатковым этапе эпідэміі, мяркуе вядомы польскі лекар, імунолаг і інфекцыяніст, кандыдат медыцынскіх навук Павел Гжэсёўскі. Паводле спецыяліста, у параўнанні з іншымі краінамі Еўропы пік эпідэміі ў Польшчы наступіць са спазненнем на месяц альбо нават два ў сувязі з тым, што Варшава адносна хутка адрэагавала на пагрозу і ўвяла сур'ёзныя абмежаванні ў грамадскім жыцці.
Адначасова Павел Гжэсёўскі папярэджвае, што непрадуманае зняцце ўведзеных абмежаванняў можа прывесці да росту заражэння каранавірусам SARS-CoV-2.
Спецыяліст звяртае ўвагу на тое, што ў розных еўрапейскіх краінах смяротнасць у выніку заражэння розная. Для прыкладу, у Германіі яна складае 3-4%, у Іспаніі – 10%, а ў Італіі – ажно 14%. Узровень смяротнасці ў Італіі высокі таму, што каранавірусам заразілася шмат пажылых людзей,
для якіх SARS-CoV-2 уяўляе сурʼёзную пагрозу.
Павел Гжэсёўскі сказаў, што ў Польшчы ўзровень смяротнасці ў выніку хваробы COVID-19, якая развіваецца пасля заражэння SARS-CoV-2, складае 5%.
На сённяшні дзень у Польшчы выяўлена больш за 15 тыс. носьбітаў каранавіруса.
вс