Прэсавы сакратар Міністэрства нацыянальнай адукацыі Польшчы Анна Астроўская паведаміла, што «на дадзены момант яшчэ не вырашана, ці будуць вучні працягваць вучыцца дыстанцыйна або вернуцца да вочнай формы навучання пасля 7 чэрвеня».
Раней у той жа дзень намеснік міністра адукацыі Мацей Капэць у інтэрв'ю аднаму з польскіх СМІ выказаў здагадку, што школы могуць быць зачынены аж да канца навучальнага года – да 26 чэрвеня.
Польшча 12 сакавіка зачыніла ўсе школы і ўніверсітэты на два тыдні ў рамках стрымлівання эпідэміі каранавіруса. Затым было абвешчана, што школы будуць зачыненыя да 26 красавіка, а потым і да 24 траўня.
Міністэрства нацыянальнай адукацыі Польшчы яшчэ ў сакавіку паведамляла, што каля 95% устаноў адукацыі былі гатовыя да працяглага перыяду дыстанцыйнага навучання ва ўмовах пандэміі COVID-19.
Тым часам дзіцячыя сады і дашкольныя ўстановы па ўсёй краіне атрымалі пачалі аднаўляць працу 6 траўня.
PAP/эж