Дзяржаўная выбарчая камісія Польшчы абвясціла канчатковыя вынікі галасавання на прэзідэнцкіх выбарах. Так, яўка на выбарах склала 64,51%.
Па выніках падліку 100% бюлетэняў, у тройку лідараў увайшлі дзеючы прэзідэнт Анджэй Дуда, які атрымаў 43,5% галасоў, яго галоўны апанент – Рафал Тшаскоўскі з вынікам у 30,46% і незалежны кандыдат Шымон Галоўня, яго падтрымалі 13,87% выбарцаў.
Кшыштаф Босак атрымаў 6,78%, Уладзіслаў Касіняк-Камыш – 2,36%, а Роберт Бедрань - 2,22%. Астатнія кандыдаты атрымалі менш за адзін адсотак галасоў.
У сувязі з тым, што ні адзін з 11 кандыдатаў у прэзідэнты не набраў больш за 50% галасоў, старшыня Дзяржаўнай выбарчай камісіі Польшчы Сільвестр Марціняк абвясціў другі тур выбараў:
-У паўторным галасаванні на выбарах прэзідэнта Польшчы выбар будзе зроблены паміж двух кандыдатаў, якія 28 чэрвеня 2020 года атрымалі больш за ўсё галасоў – Анджэй Себасцьян Дуда і Рафал Казімеж Тшаскоўскі.
Другі тур прэзідэнцкіх выбараў у Польшчы адбудзецца ў нядзелю, 12 ліпеня.
IAR/эж