Польскі Getin Holding, які валодае беларускім «Ідэя Банкам», разглядае прапановы аб продажы даччынага банка ў Беларусі, паведамляе партал naviny.by.
Як сказана ў паведамленні польскай кампаніі, атрыманыя дзве неабавязковыя прапановы аб продажы акцый «Ідэя Банка», акцыянеры ўступілі ў адпаведныя перамовы.
Польская кампанія таксама паведамляе, што патэнцыйныя пакупнікі змогуць правесці праверку фінансавага становішча беларускага банка, і пасля гэтага могуць быць вызначаны ўмовы здзелкі.
Аб наступных этапах здзелкі па продажы акцый беларускага банка Getin Holding мае намер інфармаваць за пасярэдніцтвам афіцыйных паведамленняў, гаворыцца ў прэс-рэлізе, які апублікаваны на сайце кампаніі.
Нагадаем, польскі фінансавы холдынг Getin Holding S.A. купіў 75% акцый беларускага «Самбелбанка» у 2008 годзе. У 2013 годзе «Самбелбанк» быў перайменаваны ў «Ідэя Банк» (Idea Bank). На той момант пад гэтым брэндам банкі групы Getin Holding працавалі ў Польшчы і Украіне.
У 2014 годзе тагачасны намеснік старшыні праўлення Getin Holding Рафал Юшчак заяўляў, што «мы вельмі верым у Беларусь« і што польскі холдынг разглядае Беларусь з пункту гледжання «доўгіх» інвестыцый.
«Для нас гэта вельмі цікавая краіна, асабліва сёння, калі мы бачым, што адбываецца ў Расіі і Украіне. У Беларусі мы працуем не першы год і глядзім на гэтую краіну не як кароткатэрміновы інвестар, а як «доўгі» інвестар», – адзначаў Юшчак.
На дадзены момант польскаму Getin Holding належыць амаль 100% беларускага «Ідэя Банка», паведамляецца на сайце крэдытнай арганізацыі.
вс