Намеснік міністра замежных спраў Польшчы Марцін Пшыдач выказвае боязь, што ўзброены канфлікт у Нагорным Карабаху можа перарасці ў больш маштабнае супрацьстаянне. Міністр адзначыў, што ён сочыць за падзеямі з сумам і занепакаеннем.
Ужо тыдзень працягваюцца баявыя дзеянні ў Нагорным Карабаху. Армія Азербайджану абстрэльвае пазіцыі мясцовага насельніцтва і ваенных падраздзяленняў Арменіі.
Міністр Пшыдач заклікае бакі канфлікту да яго дээскалацыі і вяртання за стол перамоваў.
- Мы заклікаем супакоіць канфлікт, заклікаем вярнуцца за стол перамоваў. Існуе спецыяльна створаная перамоўная група – Мінская група ў рамках АБСЕ. Мы вельмі просім нашых азербайджанскіх ды армянскіх калег зноў сесці за стол перамоваў. На жаль, мы бачым, што канфлікт насычаны вельмі дрэннымі эмоцыямі, таму ён можа не закончыцца ў хуткім часе.
У Нагорным Карабаху чарговую ноч чуваць стрэлы. Бакі канфлікту паведамляюць пра смяротныя ахвяры ды параненых, як салдат, так і мірных жыхароў. Азербайджан выкарыстоўвае авіяцыю, у тым ліку верталёты і беспілотныя лятальныя апараты. Паводле меркавання ўладаў Арменіі, некаторую авіятэхніку дастаўляе азербайджанскай арміі Турцыя.
Прадстаўнікі Арменіі ды Азербайджану заяўляюць, што яны сядуць за стол перамоваў, калі ў Нагорным Карабаху не будзе чуваць стрэлаў з ніводнага боку.
ПР/нг