Міністэрства аховы здароўя Польшчы паведаміла пра 4280 новых выпадкаў заражэння каранавірусам Sars-Cov-2. Гэта самы вялікі сутачны прырост з пачатку эпідэміі.
У ведамстве таксама паведамілі, што ад COVID-19 памерлі чарговыя 76 пацыентаў, што таксама з'яўляецца сутачным рэкордам з пачатку пандэміі.
У цэлым, па стане на 8 кастрычніка, у Польшчы пацверджаны больш за 111 тысяч выпадкаў. Амаль тры тысячы жыхароў Польшчы памерлі ў выніку гэтай хваробы.
Тым часам эпідэмія прыспяшае і ва ўсім свеце. Цяпер зарэгістравана больш за 36 млн выпадкаў Sars-Cov-2, 1 млн 56 тысяч чалавек памерлі.
PAP/эж