Беларуская Служба

Запрацавала аналайн-база дадзеных ахвяр Катынскага злачынства

29.10.2020 10:07
У будучыні сайт стане часткай сэрвісу аб усіх польскіх вайсковых могілках у замежжы.
Ekshumacja zwłok polskich oficerów zamordowanych w Katyniu w 1940 roku
Ekshumacja zwłok polskich oficerów zamordowanych w Katyniu w 1940 rokuPAP/Archiwum

Міністэрства культуры і нацыянальнай спадчыны Польшчы адкрыла інтэрнэт-базу ахвяр Катынскага злачынства. Вэб-сайт на польскай, англійскай і рускай мовах – гэта самы вялікі і актуальны збор дадзеных аб польскіх грамадзянах, забітых НКУС СССР у Катыні.

У будучыні сайт стане часткай сэрвісу аб усіх польскіх вайсковых могілках у замежжы.

Пошукавы сэрвіс змяшчае ў асноўным біяграфіі ахвяр Катынскага злачынства ў выглядзе базы дадзеных, якія будуць дапаўняць фатаграфіямі ахвяр. Унікальнасць гэтай базы заключаецца ў першую чаргу ў тым, што ў ёй ёсць асобы, якія былі ў спісе ахвяр Катынскага злачынства, забітых НКУС на тэрыторыі сучаснай Украіны, а іх дадзеныя прапрацавалі адпаведна біяграфій, падрыхтаваных але яшчэ не апублікаванай могілкавай кнігі Польскіх ваенных могілак у Кіеве, у Быкоўне.

Міністэрства культуры Польшчы плануе публікацыю ў анлайн-базе дадатковых матэрыялаў.

PAP/эж