З сённяшняга дня дыстанцыйнае навучанне пачалі вучні наймалодшых класаў базавых школаў у Польшчы. Нагадваем, да гэтай пары дыстанцыйна вучыліся выключна старэйшыя школьнікі, а таксама вучні сярэдніх школаў. Згаданая форма навучання павінна дзейнічаць да 29 лістапада.
Прэс-сакратар Міністэрства нацыянальнай адукацыі Aнна Астроўска(Anna Ostrowska) тлумачыць, што апекай у школе змогуць скарыстацца толькі дзеці бацькоў, якія працуюць у медыцынскай службе альбо ў службах аховы правапарадку:
- З панядзелка 9 лістапада кіраўніцтва базавых школаў будзе абавязанае арганізаваць апеку над дзецьмі, бацькі якіх непасрэдна заангажаваныя ў барацьбу з пандэміяй каранавіруса. Апрача таго, кіраўніцтва школы можа дазволіць праводзіць у будынку адукацыянай установы кансультацыі для малых групаў (да пяці чалавек) вучняў апошніх класаў базавых і сярэдніх школаў.
Настаўнікі змогуць скарыстацца падтрымкай у памеры 500 злотых для набыцця абсталявання, неабходнага для дыстанцыйнага навучання.
З 9 па 29 лістапада бацькі, наймалодшых дзяцей, якія вучацца дыстанцыйна, змогуць скарыстацца дадатковай фінансавай дапамогай дзяржавы.
аз