Фонд сацыяльнага страхавання (PZU) перадасць часовай бальніцы на Нацыянальным стадыёне ў Варшаве 40 сучасных бесправадных стэтаскопаў.
Старшыня праўлення фонду Рафал Кіліньскі (Rafał Kiliński), падкрэслівае, што гэтыя сучасныя прыборы дазваляюць праводзіць дыстанцыйнае абследаванне лёгкіх і сэрца.
- Гэта павышае бяспеку працэсу абследавання. Пацыент, выконваючы ўказанні лекара, ставіць стэтаскоп у канкрэтных месцах на целе. Лекар, які знаходзіцца ў „чыстай зоне”, атрымлівае дадзеныя адразу праз інтэрнэт-платформу на камп’ютар або смартфон.
Абследаванне не патрабуе непасрэднага кантакту з пацыентам і змяншае рызыку заражэння медыцынскага персаналу. Гэта таксама забяспечвае пастаянны кантроль за здароўем пацыента.
Рафал Кіліньскі звяртае ўвагу, што эфектыўнасць згаданых бесправадных стэтаскопаў была праверана на практыцы ў бальніцах у Малапольшчы і Сілезіі.
Фонд сацыяльнага страхавання перадаў у бальніцы, у якіх лечацца пацыенты, заражаныя каранавірусам „бранзалеты жыцця”, якія даюць магчымасць дыстанцыйнага кантролю за здароўем пацыентаў.
Фонд выдзеліў таксама грошы на набыццё сродкаў індывідуальнай аховы і санітарных матэрыялаў для шпіталяў.
аз