Упраўленне па справах ветэранаў і рэпрэсаваных асоб заклікае сібіракоў падаваць заявы на кампенсацыю за час дэпартацыі ўглыб Савецкага Саюза. Кіраўнік упраўлення Ян Юзэф Каспшык(Jan Józef Kasprzyk) нагадвае, што ў адпаведнасці з Законам ад 15 кастрычніка любы, дэпартаваны паводле рашэння савецкіх уладаў, можа звярнуцца з просьбай аб фінансавай кампенсацыі.
- Кожная асоба, дэпартаваная ў Сібір у 1936 -1956 гадах можа падаць заяўку на аднаразовую кампенсацыю. Гаворка ідзе пра 200 злотых за адзін месяц знаходжання ў Сібіры. Гэта сімвалічная сума, паколькі ніякая сума не можа кампенсаваць пакутаў, якія перажылі тыя, з кім улады савецкага захопніка абышліся такім нечалавечым чынам.
Ян Юзэф Каспшык тлумачыць, што „сібіракі” павінны пацвердзіць факт дэпартацыі адпаведнымі дакументамі. Заяўкі на кампенсацыю можна спампаваць з сайта kombatanci.gov.pl. Іх трэба падаць ва Упраўленне па справах ветэранаў і рэпрэсаваных асоб. Грошы выплачваюцца на працягу 30 дзён пасля прыняцця рашэння.
Да гэтай пары згаданай формай падтрымкі скарысталіся ўжо 14 тысяч польскіх „сібіракоў”. Паводле падлікаў Упраўлення па справах ветэранаў і рэпрэсаваных асоб, у Польшчы пражывае 22 тысяч чалавек, якія былі сасланыя ўглыб Савецкага Саюза.
аз