94 гады таму «Мазурэк Дамброўскага» стаў афіцыйным нацыянальным гімнам Польшчы. 26 лютага 1927 года тагачасны міністр унутраных спраў выдаў рашэнне па гэтым пытанні. Годам раней песня была ўведзена ў школы – «Мазурэк Дамброўскага» быў прызнаны «абавязковым для спеваў у якасці нацыянальнага гімна», і Польскае радыё стала выкарыстоўваць яго як сігнал для сваіх перадач.
Словы гімна, званага «песняй польскіх легіёнаў у Італіі», былі напісаныя Юзэфам Выбіцкім у ліпені 1797, калі Польшча была падзелена між Расіяй, Прусіяй ды Аўстрыяй. Песня спасылаецца на важныя падзеі з гісторыі польскага ўзброенага змагання і тагачасных ваенных начальнікаў, на якіх ускладалася надзея на здабыццё незалежнасці.
11 лістапада 2018 года, з нагоды 100-годдзя здабыцця Польшчай незалежнасці, «Мазурэк Дамброўскага» быў адспяваны адначасова ў амаль тысячы месцаў у Польшчы і за яе межамі. Гісторыі «Мазурка Дамброўскага» прысвечаны Музей нацыянальнага гімна ў Будаміне ў Кашубах, размешчаны ў сядзібе, якая належала калісьці сям'і Выбіцкіх.
IAR/аев