«Мы пратэстуем супраць парушэння правоў польскай меншасці беларускімі ўладамі», – заявілі мясцовыя саветнікі. «Назіраецца эскалацыя рэпрэсій супраць нашых суайчыннікаў, ліквідацыя польскіх школ (скаўцкая школа імя Рамуальда Траўгута ў Брэсце), арышты кіраўнікоў Саюза палякаў Беларусі, у тым ліку старшыні Анджэлікі Борыс, Анджэя Пачобута, Марыі Цішкоўскай і Ірэны Бярнацкай», напісана ў заяве.
Саветнікі таксама заявілі, што «пазбаўленне землякоў права на адукацыю на роднай мове і доступу да роднай культуры з'яўляецца парушэннем правоў нацыянальных меншасцей. Гэта таксама парушэнне Дагавора паміж Рэспублікай Польшча і Рэспублікай Беларусь аб добрасуседстве і сяброўскім супрацоўніцтве 1992 года».
Пазіцыя была прынята аднагалосна. Ліст накіраваны прэзідэнту Польшчы, прэмʼер-міністру і міністру замежных спраў.
яс