Другі дзень V Музычнага фестывалю нацыянальных і этнічных меншасцей Польшчы прысвечаны музыцы Мазовіі. Мэта фестывалю, які ладзяць Нацыянальны цэнтр культуры і Міністэрства культуры і нацыянальнай спадчыны – паказаць уплыў нацыянальных меншасцей на фарміраванне польскай культуры, музыкі і ідэнтычнасці.
Аўтар ідэі мерапрыемства і яго дырэктар Міла Курціс(Milo Kurtis) паведаміў, што зоркай сённяшняга вечара стане гурт «Капела з вёскі Варшава»:
- Гэта адзін з найбольш вядомых калектываў гатунку, які называюць «музыка свету». Ну, але я падумаў, што, як Мазовія – то Лешак Можджэр. Джазавыя музыка Можджэра ў спалучэнні з музыкай «Капелі з вёскі Варшава» – гэта будзе незвычайная рэч; вялікае музычнае свята.
Канцэрт запланаваны на 19.00 у клубе «Стодола» ў Варшаве і будзе транслявацца на сайце Нацыянальнага цэнтра культуры.
аз