Савет міністраў Польшчы прыняў праект зменаў у закон аб іншаземцах, прапанаваны міністрам унутраных спраў і адміністрацыі. Такім чынам улады імкнуцца дапасаваць закон да бягучай сітуацыі з мігрантамі і гарантаваць унутраную бяспеку і грамадскі парадак у дзяржаве.
Як паведаміў афіцыйны сайт польскага ўрада, за жнівень у Польшчу з Беларусі перабраліся 1 935 мігрантаў. Большасць з іх (1 175 чалавек) польскія памежнікі адправілі назад, іншых затрымалі і змясцілі ў закрытых цэнтрах для ўцекачоў.
аз