Бюро нацыянальнай бяспекі абвясціла, што прэзідэнт Анджэй Дуда, параіўшыся з урадам, прыняў рашэнне накіраваць сто польскіх жаўнераў у Афганістан.
Польскі вайсковы кантынгент павінен забяспечыць эвакуацыю з аэрапорта Кабула. Рашэнне па гэтым пытанні з'явілася ўчора позна ўвечары на ўрадавым партале Monitor Polski (18.08).
На месцы Польскі вайсковы кантынгент будзе супрацоўнічаць з іншымі сіламі НАТО, місія не мае баявога характару. Раней сваіх жаўнераў у Афганістан выслалі Вялікабрытанія, Нідэрланды. Для правядзення эвакуацыі Польшча накіравала тры вайсковыя самалёты. Акцыю каардынуе МЗС ды польскі ўрад, патлумачыў прэм'ер-міністр Матэвуш Маравецкі.
- Мы дапамагаем забіраць з Афганістану не толькі нашых грамадзян, што робім з учора. Таксама мы паспрыяем таму, каб забяспечыць грамадзян Афганістану ды іншых еўрапейскіх краін.
Эвакуацыя праходзіць у два этапы. Спачатку эвакуіраваных адвозяць вайсковымі летакамі ва Узбэкістан. Адтуль цывільнай авіяцыяй іх вязуць у Польшчу.
Першы самалёт з эвакуіраванымі з Афганістану прызямліўся ўчора а 23 гадзіне ў аэрапорце імя Шапэна ў Варшаве.
IAR/юл