Польшча прапануе Беларусі гуманітарную дапамогу, якую можна накіраваць нелегальным мігрантам, што знаходзяцца на беларуска-польскай мяжы па беларускім баку. Польскія памежнікі не прапускаюць іх праз мяжу.
Па інфармацыі віцэ-міністра замежных спраў Марціна Пшыдача, пакуль што беларускі бок не даў адказу, ці Беларусь прыме гуманітарны груз. Беларускі дыпламат паведаміў, што чакаюць рашэнне вышэйшай інстанцыі.
Лукашэнка правакуе міграцыйны крызіс і канфлікты на мяжы, паколькі такім чынам ён спадзяецца схіліць палітыкаў ЕС да перамоваў, – мяркуе палітолаг Павел Усаў.
- Як мы бачым, праблема бяспекі і праблема нелегальнай міграцыі для Еўропы важнейшая, чым правы чалавека ў Расіі ці Беларусі. Лукашэнка можа гэта выкарыстаць – справакаваць яшчэ большую хвалю мігрантаў, а потым пайсці на саступкі.
Гуманітарны груз з Польшчы знаходзіцца ўжо на мяжы, каб максімальна хутка можна было перадаць яго беларускаму боку.
нг