Польская Памежная служба прадухіліла ў панядзелак 249 спробаў незаконнага перасячэння мяжы з Беларусі ў Польшчу. Памежнікі таксама затрымалі больш за дзесяць нелегальных мігрантаў, кажа прэс-сакратар службы Анна Міхальска(Anna Michalska):
- Мы затрымалі 12 нелегальных мігрантаў, у тым ліку 11 грамадзян Ірака і аднаго грамадзяніна Конга. Астатнія спробы перасячэння мяжы былі прадухіленыя. Учора мы таксама затрымалі трох мужчын, якія дапамагалі ў нелегальным перасячэнні мяжы. Гэта грамадзянін Сірыі з відам на жыхарства ў Германіі, грамадзянін Таджыкістана з польскім відам на жыхарства і грамадзянін Грузіі.
З пачатку жніўня памежная служба прадухіліла больш за 6 тысяч спробаў незаконнага перасячэння польска-беларускай мяжы.
IAR/аз