Учора польская Памежная служба прадухіліла 482 спробы нелегальнага перасячэння мяжы з Беларусі. Памежнікі затрымалі 8 нелегальных мігрантаў. 6 з іх – грамадзяне Ірака, 2 – іранцы.
За дапамогу ў незаконным перасячэнні мяжы памежнікі затрымалі 5 іншаземцаў. Сярод іх грамадзяне Грузіі, украінец, сірыец і грамадзянін Ірака.
З пачатку кастрычніка польская памежная служба прадухіліла 6 700 спробаў незаконнага перасячэння мяжы з Беларусі ў Польшчу, а з пачатку года – больш за 18 000. Большасць з іх былі зафіксаваны за апошнія чатыры месяцы.
Затрыманыя мігранты прыходзяць у асноўным з Ірака. Іх на мяжу прывозяць прадстаўнікі беларускіх службаў.
Урад Польшчы падкрэслівае, што сітуацыя на мяжы з Беларуссю з'яўляецца часткай гібрыднай вайны, якую вядзе рэжым у Мінску пры падтрымцы расійскіх уладаў.
IAR/аз