На відэа, апублікаваным у сацыяльных сетках, прэзідэнт Анджэй Дуда падсумаваў найбольш важныя падзеі мінулага года.
У першай чарговасці звярнуў увагу на пытанні бяспекі Польшчы, у прыватнасці на эфектыўную абарону ад гібрыднай атакі з боку Беларусі.
- Польшча сталася мэтай гібрыднай атакі, кіраванай рэжымам Аляксандра Лукашэнкі. Мы здалі экзамен як дзяржава, так і грамадзяне. Мы прадэманстравалі сваю рашучасць абараняць нашу мяжу з Беларуссю і паказалі, што можам эфектыўна абараніць нашу бяспеку.
На першых кадрах відэа змешана сустрэча польскага прэзідэнта са Святланай Ціханоўскай, здымкі беларускага Вольнага хору і флэш беларускіх палітвязняў.
Прэзідэнт падкрэсліў, што бяспека Польшчы цесна звязана з бяспекай ва ўсім рэгіёне і ва ўсёй Еўропе. Ён нагадаў, што дзеянні Польшчы ў гэтым пытанні сустрэлі разуменне і падтрымку з боку іншых краін.
«Польшча з'яўляецца надзейным партнёрам у Еўрапейскім Саюзе і ў Паўночнаатлантычным альянсе. Давайце будзем добразычлівымі. Давайце памятаць, што тое, што звязвае нас, палякаў, мацней і даўгавечней, чым тое, што нас разʼядноўвае», – заклікаў да нацыянальнай згоды прэзідэнт Анджэй Дуда.
Прэзідэнт адзначыў таксама, што, нягледзячы на пандэмію каранавіруса, польская эканоміка вярнулася на шлях дынамічнага росту, а ўрад працягвае важныя структурныя інвестыцыі.
Анджэй Дуда таксама заклікаў да ўзаемаразумення нягледзячы на разыходжанні і сумесных дзеянняў на карысць краіны.
яс