Дырэктар Архіва Марыюш Ольчак патлумачыў, што для ўстановы, якой ён кіруе, важныя розныя архіўныя сведчанні: «дакументы, запісы, фатаграфіі, якія адлюстроўваюць найбольш важныя дзяржаўныя падзеі. Калі нехта прысутнічаў падчас страйкаў у Варшаве ва ўніверсітэце або падчас дэманстрацыі 1980-х гг., гэтыя сведчанні могуць быць перададзеныя ў архіў. Калі ў каго ёсць лістамі ад важных людзей у краіне, ён можа іх перадаць».
Для Архіва аднолькава каштоўныя дакументы розных арганізацый, якія дзейнічалі па ўсёй Польшчы. «Часта здараецца, што падчас рамонту цэлыя такія архівы выкідваюцца ў сметніцу».
Дырэктар Ольчак падкрэслівае, што вельмі важна перадаць такія дакументы ў архіў, бо часта яны дрэнна захоўваюцца і могуць быць пашкоджаны. «Важна, каб гэтыя дакументы былі добра забяспечаны, каб яны захоўваліся ў належных умовах. Пад падаконнікам ці каля батарэі – гэта неадпаведныя ўмовы, бо дакументы, якія захоўваюцца такім чынам, будуць ламацца, псавацца, акісляцца».
Любы, хто жадае перадаць свой хатні архіў дзяржаве, можа звярнуцца ў архіўную ўстанову свайго гораду або ў Архіў новых актаў у Варшаве. Усю інфармацыю можна знайсці на сайце aan.gov.pl
ПР/юл