Будаўніцтва пастаяннага плота на польска-беларускай мяжы – гэта абсалютна неабходная і тэрміновая інвестыцыя, заявіла ў аўторак намеснік галоўнакамандуючага Памежнай службы ў Польшчы брыгадны генерал Віялета Гажкоўска(Wioleta Gorzkowska).
Яна дадала, што гэта таксама важная інвестыцыя з пункту гледжання рэалізаваных да гэтага часу праектаў. Віялета Гажкоўска, якая ўдзельнічала ў брыфінгу з намеснікам кіраўніка Міністэрства ўнутраных спраў і адміністрацыі Мацеем Вонсікам, падкрэсліла, што будаўніцтва пастаяннай агароджы абгрунтоўвае працяг дэстабілізацыі на польска-беларускай мяжы.
«Я не хаваю, што для нас гэта вялізны выклік, таму што гэта найбуйнейшая будаўнічая інвестыцыя ў гісторыі польскай Памежнай службы», – дадала яна.
Плот будзе ўзведзены на ўчастку мяжы даўжынёй у 186 кіламетры. Інвестыцыя будзе падзелена на чатыры ўчасткі з мэтай максімальнага скарачэння часу рэалізацыі. Нагадваем, паводле планаў, будаўніцтва плота павінна завершыцца ў чэрвені бягучага года.
Памежная служба заключыла ўжо тры кантракты на будаўніцтва сучаснага плота.
PAP/аз